Төслүүд - Дэлгэрэнгүй

“ ЭЭЖИЙ ” төв төсөл / EEJII Hospice /Palliative Care Center

“ ЭЭЖИЙ ” төвийн төсөл/  EEJII Hospice /Palliative Care Center
Ирээдүйг хайрлах өнөөдрийн эхлэл

 

Төслийн товчлол : Уг төсөл нь "ЭЭЖИЙ ЕРТӨНЦ" НҮТББ-н үндсэн төсөл болно.
Олон улсын стандартад нийцэхүйц “ ЭЭЖИЙ ” хөнгөвчлөх тусламж, сургалт мэдээллийн төв төсөл нь хүүхэд болон насанд хүрсэн 50 өвчтөн үнэгүй хүлээн авах хүчин чадал бүхий, сүүлийн үеийн зориулалтын тоног төхөөрөмжүүдээр бүрэн тоноглон, өрөө бүр саруул том цонх, гэр бүлийн гишүүд хүлээн авах зочны хэсэг, ариун цэврийн өрөөтэй байхаар хосписын ерөнхий төлөвлөлт нь хийгдсэн. Уг төв нь хорт хавдартай болон эмчилгээгүй гэх онош сонссон хүнд нас, хүйс, нийгмийн гарал угсаа, шашин шүтлэг үл харгалзан эрх тэгш үйлчлэх, цогц үйл ажиллагаа бүхий хөнгөвчлөх тусламж үйлчилгээ, сургалт, мэдээллийн төв болох юм.

Үндэслэл: Энд төслийн үндэслэлийг товч дурдсан болно.

Дэлхийн эрүүл мэндийн байгууллага (ДЭМБ)-аас гаргасан мэдээллээр 2030 он гэхэд дэлхий даяар 13.2 сая хүн хорт хавдрын улмаас нас барна гэж таамаглаж байсан хэдий ч дэлхийн хүн ам тасралтгүй өсч, хорт хавдар үүсэх гол хүчин зүйлүүд нэмэгдсэнтэй холбогдуулан энэ тоо 20.3  сая болж нэмэгдэх төлөвтэй байна.
Энэ нь манай улсын хэмжээнд ч мөн ажиглагдаж, хортой ба хоргүй хавдар өвчин 2010-2019 оны байдлаар амбулаторид бүртгэгдсэн давхардсан тоогоор 33.6-аас 67.7 мянга болж 2  дахин нэмэгдэж цаашид ч улам нэмэгдэх төлөвтэй байна (ҮСХ, 2020) /зураг1/.


 Хорт хавдраар нас барсан хүмүүсийн оношлогдсоноос хойш амьдарсан хугацааг сүүлийн 10 жилийн дунджаар харвал 73.1% нь (10 хүний 7) 1 хүртэл, 22.9% (10 хүний 2) нь 1-5 хүртэлх     жил, 4.1% (10 хүний 1) нь 5, түүнээс олон жил амьдарсан байна. Монгол Улс 100’000 хүн амд ногдож байгаа хорт хавдрын өвчлөлийн түвшнээр дэлхийд өндөр, нас баралтаараа хамгийн өндөр улс юм. Монгол улсад 2010-2019 оны хооронд 38119 хүн хорт хавдрын шалтгаанаар нас барж нийт нас баралтын 22.8 хувийг эзэлж байна.
Эдгэрэшгүй, хүнд өвчин туссан өвчтөн болон тэдгээрийн гэр бүлд бие физиологи, сэтгэл зүйн хувьд маш хүнд нөхцөл байдал үүсдэг тул зориулалтын эмчилгээний газарт хандаж тусламж   үйлчилгээ авах нь зүй ёсны хэрэг юм. Монгол улсад нас барсан иргэдийн 60% нь хөнгөвчлөх тусламж үйлчилгээ шаардлагатай байснаас 44 гаруй хувь нь хорт хавдартай өвчтөнгүүд        байсан бол 56 гаруй хувь нь хавдрын бус шалтгаанаар хөнгөвчлөх эмчилгээ хэрэгтэй байжээ  (Ж.Түвшинбаяр, 2018).  
Мөн урьдчилан сэргийлэх стратегиудыг хэрэгжүүлснээр хорт  хавдрын тархалтыг 30-50% бууруулах боломжтой. Хорт хавдрыг эрт илрүүлэн, эмчилснээр бүрэн эдгэрэх боломжтой байдаг.

Үндсэн үйл ажиллагаа : 

  • Хоспис болон хөнгөвчлөх тусламж үйлчилгээ
  • Хорт хавдраас урьчилан сэргийлэх болон эрүүл мэнд, сайн дурынхны сургалт мэдээллийн төв

Хоспис болон хөнгөвчлөх тусламж үйлчилгээ
  1. Амбулаториор үйлчлэх:  Өвчтөн өдрийн цагаар эмнэлэгт ирж хөнгөвчлөх тусламж, зөвлөгөө авах.

  2. Хэвтүүлэн эмчлэх хоспис: Өвчтөн эмнэлэгт хэвтэх ба хөнгөвчлөх тусламж үйлчилгээний мэргэшсэн баг бүх төрлийн хөнгөвчлөх тусламж үйлчилгээ үзүүлэх.

  3. Орон нутагт чиглэсэн үйл ажиллагаа: Уг төвийн харъя сургалт мэдээллийн төв нь хөдөө орон нутагт амьдарч буй энэ төрлийн тусламж шаардлагатай өвчтөнд хүрч ажиллах төсөл хөтөлбөрүүдийг боловсруулах

     

Хорт хавдраас урьчилан сэргийлэх болон эрүүл мэнд, сайн дурынхны сургалт мэдээллийн төв

  • Өвчтөн, асран хамгаалагчийг дэмжих бүлгийн үйл ажиллагаа зохион байгуулах

a) Өвчтөн болон асран хамгаалагчдад зориулсан сэтгэл зүйн үйлчилгээ. Нөхцөл байдлыг даван туулахад зоригжуулах сэтгэл заслын үйлчилгээ гэдэг нь тэдэнд зайлшгүй хэрэгтэй ёс суртахууны, сэтгэл санааны дэмжлэг бөгөөд үүнийг мэргэжилтнүүд үзүүлэх болно.
b) Асран хамгаалагчдад зориулсан өвчтөн асрах сургалт. Асран хамгаалагчдад хайртай хүнээ гэртээ зовиур, хүндрэлгүйгээр хэрхэн асрах талаар бүх төрлийн зааварчилгаа, сургалт өгнө.

 

  • Өвчтөнд зориулсан сонирхолтой арга хэмжээнүүд зохион байгуулах

a) Өвчтөнд зориулсан гоо сайханы болон массаж хийх үйлчилгээ. Дэлхийн олон орны хосписуудад бүсгүйчүүдийг шинэ үс засалт, үс тайралт, маникюр, нүүрний массаж, нүүр будалт зэрэг үйлчилгээ үзүүлдэг гоо сайхны төв байдаг. Ихэнх өвчтөнүүд химийн эмчилгээний улмаас үсээ хусуулсан байдаг тул хиймэл үс зүүх шаардлага гардаг. Тиймд хамгийн энгийндээ ямар хиймэл үс зохих талаар зөвлөгөө өгнө гэсэн үг. Энэ нь тэднийг өөртөө итгэлтэй болж өөрийгөө хайрлахад хүргэдэг.
b) Өвчтөнд (ялангуяа хүүхдэд зориулан) хөгжилтэй арга хэмжээнүүд зохион байгуулах. Хүүхдүүд баярлах, инээхдээ өөрийн хүнд өвчнөө мартдаг тул тэднийг өчүүхэн хугацаанд болов жаргалтай байлгахын тулд бид олон төрлийн арга хэмжээнүүдийг зохион байгуулах болно.
Үүнд:  Урлагийн арга хэмжээ, сургалт.
Магадгүй өвчтэй хүүхдүүдийн зарим нь шүлэг унших, үлгэр унших, дуулах, хөгжмийн зэмсэг тоглох эсвэл бүжиглэх, жүжиглэх авьяастай бол зарим нь зураг зурах эсвэл зүгээр л бичих дуртай байдаг иймд бид тэдний авъясыг дэмжиснээр тэднийг амьдралын идэвхтэй, аз жаргалтай болгож чадна. Тэд хором бүрийг үнэ цэнэтэй хөгжилтэй, хайр дүүрэн өнгөрөөх хэрэгтэй.

 

  • Эмч, сувилагч, сайн дурын ажилтнуудад зориулсан арга хэмжээнүүд зохион байгуулах

a) Хорт хавдрыг эрт оношлох сургалт, арга хэмжээ зохион байгуулах.
б) Ажилтнуудад зориулсан бүх төрлийн сургалт, семинарыг зохион байгуулах
в) Сайн дурынхантай хамтран хоспист хандив цуглуулах олон талт үйл ажиллагаа зохион байгуулах
г) Хөдөө орон нутагт амьдарч буй энэ төрлийн тусламж шаардлагатай өвчтөн хүрч ажиллах төсөл хөтөлбөрүүдийг боловсруулах

 

 

 

“ ЭЭЖИЙ ” төв төслийн барилгын загвар

харагдах байдал


урд талаас

баруун урд талаас

зүүн урд талаас

хойд талаас

дээд талаас









 

Барилгын ерөнхий бүтэц

Тус төв нь дээр дурьдсанчлан 50 өвчтөн үнэгүй хүлээн авах хүчин чадалтай, сүүлийн үеийн зориулалтын тоног төхөөрөмжүүдээр тоноглон, өрөө бүр саруул том цонх, гэр бүлийн гишүүд хүлээн авах зочны хэсэг, ариун цэврийн өрөөтэй байхаар ерөнхий төлөвлөлт нь хийгдсэн. 

  •  48 ортой сувилахуйн тасаг

  •  Зоогийн хэсэг & гал тогоо 

  •  Эмч, эмнэлгийн ажилтны хэсэг

  •  Өвчитнүүд салхилахад зориулагдсан гадаа цэцэрлэгт хүрээлэн

  •  Хүүхэд саатуулах болон тоглоомын хэсэг 

  •  Уулзалтын танхим

  •  Гадаа цэцэрлэгт хүрээлэн

  •  Зогсоолын талбай

  •  Оффис 

  •  Сургалт, мэдээллийн төв

                        - Өвчтөнг дэмжих бүлгийн уулзалт

                        - Өвчтөний гэр бүлд чиглэсэн сургалт

                        - Өвчтөн сувилах аргачлалын сургалт

                        - Хорт хавдар эрт илрүүлэх  сургалт гэх мэт сургалт мэдээллийн төв байгуулах 

                        - Эмч, эмнэлгийн ажилтны сургалт 

  •  Бусад багтана


    Хандив өргөх:



     

 

  • O.orkhontuul 38,600 төгрөг хандивласан байна. / 4 өдрийн өмнө /
  • T.Tsogtbaatar 50,000 төгрөг хандивласан байна. / 4 өдрийн өмнө /
  • m.Darkhia 100,000 төгрөг хандивласан байна. / 16 өдрийн өмнө /
  • n.Otgontsetseg 200,000 төгрөг хандивласан байна. / 16 өдрийн өмнө /
  • K.Munkhjargaliin ger bul 500,000 төгрөг хандивласан байна. / 16 өдрийн өмнө /
  • T.Otgon 50,000 төгрөг хандивласан байна. / 16 өдрийн өмнө /
  • Э.Должинсүрэн WEBSITE-н хөлс 1,150,000 төгрөг хандивласан байна. / 8 сарын өмнө /
  • S.Anne 550,000 төгрөг хандивласан байна. / 1 жилийн өмнө /
  • S.Vicke 550,000 төгрөг хандивласан байна. / 1 жилийн өмнө /
  • B.Batbayar 5,000 төгрөг хандивласан байна. / 1 жилийн өмнө /
  • э.Должинсүрэн 20,000 төгрөг хандивласан байна. / 1 жилийн өмнө /

Хандив

одоо 3,213,600₮ цугласан

нийт 115,000,000₮
  VERIFIED
Хандив өгөх
  Санамж

Та бүхний өгсөн хандив тусламж бүр цаг алдалгүй таны сонгосон төсөл бүрийн ХАНДИВЛАГЧ хэсэгт шивэгдэж ордог.

Мөн тухайн хандив юунд зарцуулагдаж байгааг та шууд харах боломжтой.

Хандив өгсөн л бол тус цэс рүү орж өөрийн хандиваа орсон эсэхийг харж баталгаажуулж байгаарай.

Хэрэв таны хандив ороогүй, шивэгдээгүй байвал фэйж хуудас руу зурвас үлдээгээрэй. Таны хандив орсон эсхийг шалгаад яаралтай хариу өгөх болно.

Цахим сан

“Ээжий Ертөнц НҮТББ” нь үүсгэсэн байгуулж буй EEJII.org сан нь сайн дурын ажил, сайн үйлсийн аяны нэгдсэн платформ юм.

Сайн дурын ажил

Хамгийн шударга үнэлгээ бүхий "Сайн дурын" ажлын төсөл хөтөлбөрүүдийн нэгдсэн мэдээлэл, үнэлгээний систем

Мэдээлэл авах

Та цахим шуудангаа бүртгүүлсэнээр манайд орж буй мэдээллийг тухай бүрт нь авах боломжтой.